diario de una actriz #19 si, non, si, non... si.

hai uns meses, como decembro do 2008 ou así, presentamos a miña amiga violetta brazhnikova e máis eu un proxecto teatral sobre Strindberg solicitado POR ENCARGO. preparamos un dossier, implicamos a xente e enviámolo. o proxecto baséase no texto A MÁIS FORTE de August e nós queremos facer unha especie de "Vania en la calle 42" ou de "Looking for Richard", algo de metateatro para borrar ese drama pesado dos nórdicos, revisando o traballo dos actores e facendo un pequeno repaso da istoria do teatro. a nosa peza chamaríase "AS + FORTES DE STRINDBERG" e dixéronnos que estrearíamos para maio, logo que non, que no outono, logo que non, que non había cartos, que para o 2010, logo que si outra vez, que non, e de súpeto chámannos o luns pasado e dinnos que si, que nos dan a primeira ou segunda semana de novembro, que andan á espera da responsta dunha ópera. o mércores dinnos que a semana do 12 e o venres vólvennos mudar a data para o 24, 26 e 27. eu, que xa coordinara ese traballo cós que me van dar de xantar ata xaneiro (dúas animacións: unha gymkhana con rapaces para faunia en outubro e uns esqueches en atocha para a adif da última semana de novembro até a primeira de decembro), resulta que, co derradeiro cambio, xa non encaixo as datas. o peor de todo é que este traballo non nolo pagan ata o ano que vén, que vai ser unha miseria o que cobremos e o que paguemos aos nosos colaboradores e que temos que facer un tremendo MILAGRE (escribir o texto de Strindberg e amplificalo, compoñer a música, editar a escenografía -que a queriamos audiovisual-, deseñar os cartaces, o vestiario e máilos ensaios nun tempo récord). fff... que movida... se isto non remata comigo vaime poñer definitivamente + FORTE.